Экалагічная сцежка – гэта спецыяльны адукацыйны маршрут у прыродных умовах, дзе ёсць экалагічна значныя прыродныя аб’екты.
На гэтых маршрутах можна пазнаёміць дзяцей і дарослых з натуральнымі біяцэнозамі, разнастайнасцю раслін і жывёл, сувязямі, якія маюцца паміж імі, прадставіць на практыцы прыродаахоўную
дзейнасць.
Экалагічная сцежка ўключае ў сябе шэраг самых разнастайных аб’ектаў расліннага і жывёльнага свету, краявідныя ландшафтныя кампазіцыі, малыя архітэктурныя формы.
Экалагічная сцежка ўстановы дашкольнай адукацыі –
- спецыяльна абсталяваная ў адукацыйных і выхаваўчых мэтах прыродная тэрыторыя;
- маршрут, які праходзіць праз розныя прыродныя аб’екты, якія маюць эстэтычную, прыродаахоўную каштоўнасць, на якім дашкольнікі атрымліваюць інфармацыю аб гэтых аб’ектах.
У якасці аб’ектаў выбраны розныя віды дзікарослых і культурных раслін, лекавыя расліны, клумбы, розныя віды дрэў.
Падчас прагулак, экскурсій па экалагічнай сцежцы дзеці гуляюць, эксперыментуюць, назіраюць, гутараць з дарослымі, адгадваюць загадкі, робяць высновы, выконваюць заданні.
Свае ўражанні аб убачаным, дзеці выказваюць у выяўленчай дзейнасці.
Аб’екты экалагічнай сцяжынкі можна выкарыстоўваць для пазнавальнага і эмацыйнага развіцця дзяцей.
У выніку ў дзяцей развіваюцца памяць, гаворка, мысленне.
А самае галоўнае – з’яўляецца пачуццё прыгожага, выхоўваецца любоў да прыроды, жаданне яе берагчы і захоўваць!
Вебінар
“ЭКАЛАГІЧНАЯ СЦЕЖКА НА ТЭРЫТОРЫІ УСТАНОВЫ ДАШКОЛЬНАЙ АДУКАЦЫІ”
(Н.А. Рыжова)
(для выкарыстання педагогамі дашкольнай адукацыі ў працэсе самаадукацыі)